O Castro de Saa é un asentamento fortificado da Idade do Ferro; é o castro máis monumental do Concello de A Pastoriza, presentando un complexo defensivo moi ben conservado.

O seu emprazamento permite controlar visualmente o val do río Miño.

Conserva unha croa ou primeiro recinto circular de 100 m. de diámetro, defendida por unha muralla perimetral; a defensa complétase, na metade meridional, con tres foxos e tres parapetos, coincidíndo có acceso ao recinto, apreciándose o vano ou posible porta de acceso. O resto do recinto habitacional, agás esta zona meridional, ademáis da muralla deféndese por un parapeto.

O estado de conservación da croa e parte das estructuras defensivas é bó; nembargantes o aproveitamento forestal no entorno inmediato afectóu ao sistema defensivo do sector norte, e o aproveitamento agrícola poido ocasionar alteracións ou incluso destruccións en parte do sistema defensivo     

O Concello de Pastoriza, propietario do xacemento  arqueolóxico, promove unha intervención arqueolóxica que consiste na limpeza integral do elemento vexetal, a realización de excavación arqueolóxica e a consolidación das estructuras exhumadas có obxetivo de iniciar unha posta en valor do castro.

Nesta primeira campaña de intervención participan arqueólogos que contan coa colaboración dún obradoiro de xardiñería.